2013/04/23

Argazkia: Ramon M. Zabalegi

Larunbatean, Animalia Lotsatuen Putzua biraren azken kontzertua egingo dugu, diskoaren prestaketa eta grabaketa barne hiru urteko zikloa itxiaz.

Topikotzat hartuko baduzue ere, tarte honetan, toki eta jende berria ezagutzeko bai eta aurrez ezagun genituen leku eta lagunak agurtzeko parada izan dugu, gure barnean (apur bat) heltzeko, bidean topatu ditugunetatik ikasten jarraitzeko, eta musika egiteaz gozatzeko parada eman digu, une ezinhobe eta ahanztezinak biziaz.

Horregatik hilabeteotan bidaide izan ditugun lagun guzti hauei eskerrak eta besarkada bana bidali nahi diegu. Talde, teknikari, kolaboratzaile, antolatzaile, gaztetxe, areto, jaialdi, entzule, kazetari, joan zaizkigunei, batu zaizkigunei…Finean, denbora tarte honetan laguntzaile izan dugun oro, maiz egoerak samurtu dizkiguzutenoi eta guk guzti hau benetan gozagarri izan dezagun lortu duzutenoi.

Orain, disko bakoitzaren ostean egiten dugun moduan, ziklo berri batean sartuko gara, non epeak egunerokoak ahalbidetzen digunaren arabera beteko diren.

Baina aurretik azken hitz ordu bat dugu, larunbatean, hilak 27 gaueko 10etan Bilboko Kafe Antzokian izango gara Unicornibot itzelekin batera. Festa handi bat izatea nahiko genuke, lagun taldea osatzea eta guretzat hain garrantzitsua izan den atala modu berezi batean ixtea.

Gure esker on zintzoenak zuei guztiei.

Lisabö

2013/04/19

Abian da Audience-en proiektu berria eta ‘Mistress Games’ da bere izena.

Musika munduan euskarrien inguruko eztabaida nabaria den sasoi honetan, Audience-ek formatuen inguruko jokoa proposatzen digu. Maiatzean argitaratuko den lanak 7’’-tako biniloa, CD bat eta abesti gehigarri baten deskargarako kodea jasoko ditu bilduma bakarrean. Neurriz ‘ertain’ sailka daitekeen ‘Mistress Games’ guztira 7 kantak osatuko dute.

Audience-en proiektu bat non hasi eta non bukatzen den jakitea erraza ez den arren, hurrengo zerbaiten abiapuntu denaren susmo nabarmena dakar ‘Mistress Games’-ek. Oraingoz badakigu Garate Estudioetan izan direla Kaki Arkarazoren agindupean. Hemen luzatu diguten aurkezpen bideoa eta eraberritutako orrialdearen esteka.

www.weareaudience.com

2013/03/27

Click here to view the embedded video.

2013/03/01

Martxoarekin batera atzean utziko al ditugu iragan bi hilabeteotako, euri, haize, elur eta hotzak? Eguraldia ona izan ala ez, honatx epelean izateko hainbat leku eta egun.

ANARI
02 / LEIOA
09 / Irulegiko Irratiaren aldeko kontzertua, DONAZAHARRE + Siroka + 2zio + …
10 / Putzuzulo Gaztetxea, ZARAUTZ

INOREN ERO NI
27 / Ze Premikin!, Gazteszena, DONOSTIA + Lisabö + Willis Drummond + Atom Rhumba + Nobunny + Badsports

JOSEBA IRAZOKI
02 / Merkatuan, HENDAIA + Zuloak + Torii
02 / Bonberenea, TOLOSA + Cabezafuego
15 / BORDEAUX
20 / Kultur Etxea (Jaiorama Zikloa), ATARRABIA Joseba Irazoki & Lagunak
21 / Kafe Torero, ZARAUTZ
22 / Kultur Etxea, LOIOLA
23 / Moby Dick, MADRID + Lisabö

JUPITER JON
02 / Le Bukowski , DONOSTIA + Kafea eta Galletak DJ & Leire Volta

LISABÖ
23 / Moby Dick, MADRID + Joseba Irazoki
27 / Ze Premikin!, Gazteszena, DONOSTIA + Inoren Ero Ni + Willis Drummond + Atom Rhumba + Nobunny + Badsports

MURSEGO
08 / Bizbak Indie Festival (EHU bizkaia aretoa), BILBAO + Aries + Anni B Sweet

WILLIS DRUMMOND
02 / Gaztetxea, ELORRIO
07 / CARBALLO
08 / Sala Filomatic, A CORUÑA + Pulsar
09 / Sala Velvet Underground, LUGO + Pulsar
23 / AMAIUR + Pulsar
24 / 18. Korrika, BAIONA
27 / Ze Premikin!, Gazteszena, DONOSTIA + Lisabö + Inoren Ero Ni + Atom Rhumba + Nobunny + Badsports
30 / Gazte Danbada, URDUNA

2013/02/19

Argazkia: M. Zugasti

Boladatxo baterako ANARI taldeak jotzeari utziko diogu bertako zenbait partaideren proiektuak aurrera eraman ahal izateko.Hala ere, lau kontzertu egingo ditugu bira luze eta emankor hau merezi moduan bukatzeko: larunbat honetan izango da lehenengo kontzertua, Donostiako Victoria Eugenia ederrean. Martxoarekin, Leioa eta Garazitik pasa ondoren, despedida kontzertua joko dugu Zarautzko Putzuzulo Amets fabrikan, ondoren bakarkako eta formatu txikiko emanaldiei hasiera emateko
Mila esker danoi.

Anari

TALDEAREKIN:
Otsailak 23 Victoria Eugenia, DONOSTIA.
Martxoak 2 LEIOA.
Martxoak 9 Irulegiko Irratiaren alde, DONAZAHARRE. + SIROKA + 2ZIO….
Martxoak 10 Putzuzulo, ZARAUTZ. AZKEN KONTZERTUA BANDAREKIN.

BAKARKA:
Apirilak 14 ELIZONDO.
Apirilak 19 BERMEO.
Ekainak 7 TUTERA. + RUPER ORDORIKA.
Ekainak 30 EH Zuzenean. Lekorne

2013/02/06

Borja Iglesiasek idatzitako “MU” liburua argitaratu genuen, jatorrian gazteleraz, orain urtebete. Bada, honatx Axik eta Evak atondutako euskarazko bertsioa pdf euskarrian doan jeisteko aukera.

“MU” Euskaraz jeitsi

2013/02/04

Sarrera luzerik gabe, hona Joseba Irazokiren “Esperoan Daude” kantuari Miguel Erasok egin dion bideoa.

Zuzenean:
Otsailak 8 Iluntz Taberna, Arrasate
Otsailak 16 Txiriboga, Baiona
Otsailak 16 Arriola Antzokia, Elorrio + Lisabö
Otsailak 22 Ateneoa, Bermeo
Otsailak 23 Gaztetxea, LArrabetzu + Balerdi Balerdi
Martxoak 2 Bonberenea, Tolosa + Cabezafuego
Martxoak 15 Bordeaux
Martxoak 20 Kultur Etxea, Atarrabia JOSEBA IRAZOKI & LAGUNAK
Martxoak 21 Kafe Torero, Zarautz
MArtxoak 22 Kultur Etxea, Loiola
Martxoak 23 Moby Dick, Madrid + Lisabö
Apirilak 19 Cottonclub, Bilbao
Apirilak 20 Kursaal, Donostia + Berri Txarrak
Maiatzak 17 Matadeixe, Azkoitia

2012/01/29

Argazkia: Ramon M. Zabalegi

2011ko abenduan hasi “Animalia Lotsatuen Putzua” diskoaren bira azkeneko txanpan sartzera doa. Birari amaiera emango dioten azken 8 kontzertuok otsailaren bian, larunbatarekin, izango dute hasiera, Zaragozako emanaldiarekin, Picore taldea lagun izango dutela. Amaiera aldiz Euskal Herrian izango da, Bilboko Kafe Antzokian. Azken kontzertu honetarako Lisabök Galizako Unicornibot taldea gonbidatu du.

Honatx azken txanpa honen xehetasunak:

Otsailak 2 Zaragoza, Explosivo Club! + Picore
Otsailak 8 Castelló, Teatro Principal (TannedTin)
Otsailak 9 Barcelona, Sala Apolo (AloudMusicFestival) + Toundra + The Joe K-Plan
Otsailak 16 Elorrio, Arriola Antzokia + Joseba Irazoki
Martxoak 23 Madrid, Moby Dick Club + Joseba Irazoki
Martxoak 27 Donostia, Informazio zabalagoa hurrengo asteetan
Apirilak 5 Zarautz, Informazio zabalagoa hurrengo asteetan
Apirilak 27 Bilbao, Kafe Antzokia + Unicornibot

2012/12/31

Jupiter Jon eta Lisabök aukeratu dute entzungai izango den diskoa. Shipping News (Louisville, AEB) taldearen estraineko diskoa, Save Everything (1997, Quarterstick)

Horixe da hain zuzen egin asmo duguna. Ondo gorde gogoan Shipping Newsen musikak barruak lehendabizikoz eragin zizkigunekoa. Ondo gogoan dugu Jeff, Kyle eta Jason ezagutu genituenekoa, Lisabörekin (orduan Jupiter Jon taldeko Aida taldean zela) Bilboko Palladiumen eta biharamunean Sant Feliu de Guixols-en (Herrialde Katalanak) emandako kontzertu ahaztezin haietan. Gerora Todd gehituko zitzaien taldera.
Ondo gogoan dugu Jason gaixotu zenekoa eta bere gaixotasunaren garapenaren berri jasotzen genuenekoa. Eta ondo gogoan iltzatuta hil zela esan zigutenekoa.

Baina bizirik nahi dugulako gurean, bere musikaz beste behin gozatzeko aukera baliatu nahi dugu. Eta jai bat egin, ondo gordetzeko hau ere gogoan.

Etor zaitez Gernikako Astrara urtarrilaren 5an.

Kafea eta Galletak #33
19:30
Shipping News “Save Everything” diskoren entzunaldia.
ondoren kontzertua
Jupiter Jon
Lisabö

5 euro

PS: Jasotako dirua Jasonen tratamenduak familiari eragindako zor ekonomikoa samurtzeko baliatuko da

2012/12/27

2012. urteko azken asteburua kontzertuz josita datorkigu. Ostirala eta larunbatean bIDEhUTSeko zenbait talde zuzenean ikusteko aukera izango duzu.

Asteburua, berezia izango da Joseba Irazokirentzat. Bihar, ostirala, Donostiako Lugaritz kulturgunean kontzertu ezberdin bat eskeniko du zenbait musikari lagun ondoan dituela. Larunbatean aldiz, Hondarribiko Psilocybenean ariko da bere EP berriaren kantuak aurkezten (one man band bezala), Lisabö lagun duela, Berriaren aldeko kontzertuan.

Irundarrak 2011ko hastapenetan kaleratutako “Animalia Lotsatuen Putzua” diskoaren aurkezpen kontzertuen azken txanpan sartuko dira aurki, beraz ez galdu aukera!

Intxaurrondoko kultur etxean berriz bIDEhUTSeko Mursego eta Inoren Ero Ni, Ainara LeGardonekin batera ariko dira gaueko 10etatik aurrera.

Bizkaia aldean ere bi aukera egongo dira: Markinako Uhago aretoan Jupiter Jon ikusteko aukera izango duzue, Donostialdeko Screamin’ Targets eta Bilboko Sonic Trashekin batera.

Ondarroako Kafe Antzokian aldiz Willis Drummond lapurtarrak arituko dira. Azaroan kaleratutako “A ala B” diskoaren aurkezpen biran guztiz murgilduta dabiltza. Belako talde bizkaitarra beraiekin batera ariko da.

Igandean, hilak 30, Anarik urteko azken emanaldia egingo du Tolosako Bonberenean iluntzeko 7tan.

Abenduak 28 ostirala, Joseba Irazoki & Lagunak. Donostia, Lugaritz Kultur Gunea.
Abenduak 29 larunbata, Joseba Irazoki + Lisabö. Hondarribia, Psilocybenea. BERRIAren aldeko kontzertua.
Abenduak 29 larunbata, Inoren Ero Ni + Mursego + Ainara LeGardon. Intxaurrondo, kultur etxea.
Abenduak 29 larunbata, Jupiter Jon + Screamin’ Targets + Sonic Trash. Markina, Uhago aretoa.
Abenduak 29 larunbata, Willis Drummond + Belako. Ondarroa, Kafe Antzokia.
Abenduak 30 igandea, Anari. Tolosa, Bonberenea