2012ko udazkena, datozenak.

2012-10-04

Honatx 2012ko udazken honetan bIDEhUTS zigilupean argitaratuko diren diskoak. Datak aurrerago zehaztuko ditugu.

Joseba Irazokiren ibilia ezaguna da musikazale gehientsuenentzat. Hainbat talderen (On Benito, Atom Rhumba…)  laguntzaile eta partaidea bada baina bakarka bere sormenak ez du ez etenik ez mugarik. Oso Banda honetan eszenategietan bakarka, gitarra, bonbo eta bestelako tramankuluekin aurkezten duen aldea islatuko du.

Willis Drummond taldeak estudioko lan berria kaleratuko du azaroan. Tolosako Bonberenean egin diren grabaketetan Karlos Osinagak eta Iñigo Irazokik hartu dute parte eta besteak beste The Drones, The Mess Hall eta Liam Finnekin lan egin duen Burke Reid ari da nahasketak egiten Toronton, Kanadan.