bH037
Audience
Jai Alai Blues
DG: Spotify, Deezer, iTunes, …
 
 
 
 
 
“Nola izan liteke zesta punta (Jai Alai) bezalako kirol bat hainbat eta hainbat herrialdeetara zabaldu izana? Egipto, Txina, Filipinak, Kuba, Mexiko edo Estatu Batuak kirol honen historiaren lekuko izan dira.
JAI ALAI BLUES dokumentalak (Zuz: Gorka Bilbao, BERDE Produkzioak, 2015) zesta puntaren historia sinestezina kontatzen digu mundu horretan aritutako pertsona ospetsuenen bitartez. Ugariak dira haien biografien eta Jai Alairen historiaren arteko paralelismoak. Hasiera apalak; arrakasta handiak mundu osoan, publiko agurgarriz betetako frontoietan; identitatearen galera, joko tradizional bat guztiz bestelako balioak dituzten gizarte batzuetara egokitzean… urte oparoen distirak ez zuen betirako iraun.
AUDIENCE-en bigarren soinu banda honetan, taldeari JAI ALAI BLUES dokumentalaren geruza ezberdinetan murgiltzea egokitu zaio. Munduko hainbat herri eta gertaera historiko girotuz, arrakastak eta porrotak, tentsioak eta baretasunak, kirolaren epika eta negozio nahasiak… konpas kontrajarri bakoitza filmaren irudietan josiz, proiektu honetan AUDIENCE-ek zehaztasunez hartzen ditu bere gain ikuslearen kokapenerako garraio lanak. Epe motzean, lehenago AMERIKANUAK lanarekin egin zuten bezala, AUDIENCE PLAYS JAI ALAI BLUES zuzeneko emankizuna ere izango dugu ikusgai.”
 

 

___________________________________________________________________________



_________________________

Shopping Cart

Your shopping cart is empty

Visit the shop

_________________________