bH050 Inoren ero ni “Il cercatore di perle”

2019/11/27


Inoren ero ni eta kantu berriak esaldi berean irakurtzea baino gauza kitzikagarriagorik nekez topatuko dugu zaleok.
Hemen da, “Il cercatore di perle” lanarekin, Okene, Borxa, Guanche eta Marianoren azal berria.
Durangoko azokan izango da salgai, ondoren gure webgune, ohiko denda eta jarraian zerrendatu eta etorriko diren zuzenekoetan.

Abenduak 13 Le Magneto, Baiona + ALBA
Abenduak 21 LeBukowski, Donostia

Hona aurkezpen bideo bat, baita Xabier Montoiak diskoari idatzitako aurkezpen iruzkina, hemen klikatuta irakurri dezakezuna.


Iruzkinak / Comments (0)


     

bH051 cOUPAGES#03
Jupiter Jon eta Amaren Alabak

2019/11/18

Jupiter Jon eta Amaren Alabak taldeek, cOUPAGES sailerako, elkarrekin osatu duten singlea gure webgunean eskatu dezakezu gaurdanik. Bidalketak azaroaren 22tik aurrera egingo dira.

Hona, Bira Produkzioak etxeko lagunek ondutako “Zikilimarro” kantuaren bideoklipa.

 


Iruzkinak / Comments (0)


     

bH045 Nire “Hemeretzi”

2019/11/12

Ivan Zabalegik Lisabö utzi ostean abian jarritako Nire egitasmoaren bigarren lana azaroaren 15ean, ostiralarekin, kaleratuko dugu.

“Hemeretzi” izenburupean 9 kantu biltzen ditu disko honek eta bertan Ivanek Ander Zabalegi anaia baterian eta Borja Toval gitarran berarekin izan ditu baita inoren ero ni taldeko Borja eta Lisaböko Karlos Osinaga.

Lan hau gure webgunean, Durangoko Azokan eta urte berriarekin emango dituen emanalditan izango da salgai.

Entzun diskoa aurkezteko aukeratutako “Seinalea” kantua.

 


Iruzkinak / Comments (0)


     

Jupiter Jon eta Amaren Alabak

2019/11/08

Hilaren 22an cOUPAGES bildumaren hirugarrena kaleratuko dugu. cOUPAGESeko emaitzak zazpi hazbeteko biniloak dira eta bertan bi talde/musikari (edo gehiago) elkartzen dira modu irekian lan egiteko.

Oraingoan Jupiter Jon eta Zuberoako Amaren Alabak emakumezko ahots seikotea batu dira elkarrekin hiru abesti egiteko. Horietako bi aipatu singlean bilduko dira eta hirugarrena online deskargatzeko moduan egongo da.

Ziurta dezakegu aurretik entzun gabeko emaitza suertatu dela. Jupiter Jonen soinu-trantzeak eta Amaren Alabaken ahotsek cOUPAGES hau zerbait paregabea bihurtu dute, “melange” berezi baten lur eremuan sartuko zaituena.

Aurrerapen bezala, datorren astelehenean, azaroak 11, goizeko 11etan, rockdelux.com atarian  Bira Produkzioak etxeak ondutako “Zikilimarro” kantuaren bideoklipa estrenatuko da.

 


Iruzkinak / Comments (0)


     

bH049 Gaizka Insunza

2019/10/18


Audience taldeko Gaizka Insunzaren bakarkako lehen lana kaleratuko dugu datorren Urriaren 25ean. Lan honetan, kutsu amesti eta nostalgikoa darien abestiak biltzen dira. Brian Wilson, Randy Newman edota Elvis Costelloren eraginpean, unibertso propio bat sortzeko saiakera antzematen da.
Aurrerapen gisa “Where do you go” abestia aurkezten dizugu.


Iruzkinak / Comments (0)


________________________

Shopping Cart

Your shopping cart is empty

Visit the shop

________________________