bIDEhUTSek hamar!!

2009/10/16

Lisabö, Hotel, Gora Japon, Willis Drummond, Inoren Ero Ni, Anari eta… Audience.

Bai lagunok, aitzakia gutxi eman badizugu oraino gureari adi egoteko, dela Inoren ero Ni taldearen berria, dela irrikaz itxarondako Anarirena, oraingoarekin begiak aterako zaizkizue, eta aulkitik ere jauziko zarete.
A Shake in Calm Water, Audience taldearen berria, bIDEhUTS zigiluarekin argitaratuko da azaroa amaitu aitzin.

Gernikarren lan berria Andoaingo Garaten grabatu zen apirilean antzinako bideei jarraituz. Kaki Arkarazok zuzenean jaso zuen taldearen soinua zinta zabalean baita modu analogikoan nahastu ere. Alajinkua!!! Kantu bilduma ederra, aurki entzungai.