bIDEhUTS, 2006an sortu genuen, Inoren Ero Nik, Hotelek, Anarik eta Lisabök. Gure diskoak, guk egin, guk argitaratu, guk zabaldu eta inoiz diru sarrerik balego, beste baten bila joan. Gure artean sarea osatu grabatzeko, fabrikatzeko, argitaratzeko, banatzeko. Hori izan da gure leloa ordutik hona. Hasierako izenei beste asko batu zaizkigu; Mursego, Audience, Jupiter Jon, Joseba Irazoki, Nire, Alba, desagertu den Gora Japon eta gerora beste bide bat hartu duten Xabier Montoia eta Willis Drummond. Guztion artean gaur egun bIDEhUTS dena osatzen joan gara.
Zuri ere badagokizu parte bat. Jarraituko badugu entzulea behar dugu.