Descripción
Esku artean duzun hau, aurtengo neguaren lehen partean grabatu genuen emandako zenbait kontzertutan. Bertan eskainitako hainbat abestiren artean egindako aukeraketa duzu hau; nahi bada, bai bidean, eta bai denboran oinarritutako aukeraketa. Hasi lehenengo diskoko Gure munduarekin, eta gaur eguneko Amuara arte; bidean Habiak, Aingura hegoduna edo Denbora kantuetatik pasatuz.
Disko hau egin dugunontzat, gure ibilbideko momentu hau era garden eta egiazko batean azaltzea izan da xe- dea; zuzenean bilatzen dugun tentsioa, edertasuna, arriskua eta inperfekzioa, entzuleak bertan aurkitzea.
Jaso bezala eskaini nahi izan dugu, bere gordintasun inperfektuan.
Baina beste gauza guzien gainetik, eskerrak emateko modu bat izan nahiko luke disko honek. Hainbeste urtetan, hainbeste kontzertuetara etortzen den hainbesteri.
