Descripción
14 kantaz osatua, bilduma moduan har daiteke, 2006 eta 2011 bitartean egindako grabaketak biltzen baititu. Gra- baketa hauek leku eta egoera ezberdinetan egin ziren, eta audioen jatorrizko “kolorea” mantendu nahi izan da. Grabaketa guztiak zuzenean egin dira, musikari guztiak batera joaz eta toma bakarrean, beraz ez dago overdubbing edo geroagoko ediziorik. Grabatze teknikak oso oinarrizkoak izan dira eta taldeak eskuragarri zituen gailuekin egin dira: telefono mugikorrak, ordenagailuaren mikrofono internoa, bideokamerak eta eskuko Zoom H2 grabagailu txikia. Gehienak monoan daude, edo Zoom H2 grabagailuaren kasuan, barnean bi mikrofono dituenez, estereoan. Leku ezberdinen soinua ere jasotzen da, zuzeneko kontzertuetako zarata, erresonantzia haundiagoko aretoak, entsegu lokaleko soinua, eta abar. Guzti honen ondorioz kantuek testura oso desberdinak dituzte, garbiagoetatik oso soinu zikina dutenetara.
